Bideo hau Ikerketa Metodologia Feministak: giza eskubideen aldeko tresnak eta aplikazionak II Jardunaldien laburpena da. Jardunaldiak Hegoa Institutuak eta SIMRef-ek (Seminario Interdisciplinar de Metodología de Investigación Feminista) antolatu zuten Donostian, 2014ko ekainaren 19 eta 20an.
Jardunaldien hizlari eta partehartzaileen hausnarketak barnebiltzen dira han landu ziren gaien inguruan, besteak beste: epistemologia feministaren gaur egungo aurrerapen, zalantza eta erronkak; unibertsitate eta mugimendu sozialen arteko loturak feminista ikerketetan; feminismo dekolonialaren proposamenak; eta, batez ere, Jardunaldietan zehar aztertutako hiru tresnak (Intersekzionalitatea; Narratiben eraikuntza eta Diskurtso analisia) eta haien aplikazioa ikerketa feministetan.